Paano Ba ang Pagyakap sa Relihiyong Islam?
Ang pagyakap sa Relihiyong Islam para maging isang Muslim ay walang itinakdang rituwal o seremonya na kinakailangang tuparin ng isang tao at wala ring takdang pook o ng mga partikular na tao na dapat kaharapin. Ito ay sa dahilang ang Islam ay tuwirang ugnayan ng tao at ng kanyang Tagapaglikha (ang Allah, U) na walang mga tagapamagitan.
Magsimula dito
- Ang Pamamaraan ng Pagyakap sa Relihiyong Islam
- Ang Dalawang Pagsaksi sa Pananampalataya
- Ano ang Dapat Gawin Pagkaraan ng Pagpapahayag ng 'Shahaadatain'?
Ang Pamamaraan ng Pagyakap sa Relihiyong Islam?
Ang pagyakap sa Relihiyong Islam para maging isang Muslim ay walang itinakdang rituwal o seremonya na kinakailangang tuparin ng isang tao at wala ring takdang pook o ng mga partikular na tao na dapat kaharapin. Ito ay sa dahilang ang Islam ay tuwirang ugnayan ng tao at ng kanyang Tagapaglikha (ang Allah, U) na walang mga tagapamagitan.
Ang Pamamaraan ng Pagyakap sa Relihiyong Islam
At hindi rin kinakailangan ang labis na seremonya sa pagyakap sa Islam, kinakailangan lamang na magsabi ng ilang kataga na napakadaling bigkasin ng dila subali't ito ay mayroong mahalagang kahulugan at pananagutan.
Ano ang Dalawang Pagsaksi sa Pananampalataya?
Ito ang diwa ng Tawheed.Sa pamamagitan ng konseptong ito, nilikha ng Allah ang lahat (sangkatauhan, jinn, anghel at maging ang di-nakikita o nakatagong bagay) at sa konseptong ito, nilikha Niya ang Jannah (Paraiso) at ang Jahannam (Impiyerno). Ang Allah (y) ay nagsabi sa "At hindi Ko nilikha ang mga Jinn at mga Tao maliban na sila ay nararapat na sumamba sa Akin (tanging sa Akin lamang)."Qur'an, Kabanata Adh-Dhaariyaat, 51:56;
Ang Dalawang Pagsaksi sa Pananampalataya
Ito ang paniniwala na ipinag-anyaya ng mga Propeta at Sugo sa kanilang mga mamamayan, nagmula pa noong panahon ni Adan hanggang sa Huling Sugong si Muhammad. Ang Dakilang Allah (y) ay nagsabi,"At hindi Kami nagpadala ng sinumang Sugo bago pa man sa iyo (O Muhammad) maliban na Aming ipinahayag sa kanya (na nagsasabing): "La ilaha ilallah (walang diyos na dapat sambahin maliban sa Allah), kaya sambahin Ako (tanging Ako at wala ng iba pa)."( Qu'ran, Kabanata Al-Anbiyaa; 21:25;)